• TerSon, qu’a estat emmercat ena celebracion dera Hèsta d’Aran, a compdat ath long d’aguesta setmana damb disparières activitats ath torn dera cultura, era natura e era musica tant entara mainadèra com tà hèr en familha.

• Pendent es tres dies qu’a durat er Hestau, an estat fòrça es persones que s’an amassat enes actes ludics programadi.

Era prumèra edicion e “TerSon” ven d’acabar e era sua avaloracion ei fòrça positiva en tot auer compdat damb un naut nombre de participants en cadua des activitats. En tot començar pes dues gessudes guidades as pòbles de Pujòlo e “Ara descubèrta des nòsti audètz”,eth teatre musicau “Gran Hotel Arania”, atau coma era òbra teatrau” Èm de pòble! E què?” deth grop “Era Cabana, era presentacion ena casa deth Senhor d’Arròs deth libre “Eth Qüadèrn dera Querimònia” e dera exposicion dera colleccion de fotografies estereoscopiques en 3D, que se poirà visitar enquiàth 31 de mai deth 2025.

Es activitats programades entara mainadèra an auut fòrça participacion. Ues activitats que se barrauen eth deluns en passeg dera Libertat damb er espectacle familiau “ salta, canta i balla” , seguit d’ua chicolatada.

Es serades musicaus dera dimenjada an acuelhut tanben un gran nombre de public, enes qu’era plaça d’Aran n’a estat er scenari principau. Era musica, ua des activitats importantes d’aguest programa culturau, barraue, damb grana afluéncia de public, es serades de dissabte, dimenge e deluns damb es concèrts, dera “Ronda de Boltaña”, dissabte, es grops aranesi “Sarabat” e “Rambalh”, dimenge e eth deluns damb es occitants, “Parpalhon”, que metien fin ara jornada institucionau dera Hèsta d’Aran.

Era sindica d’Aran a manifestat que “des deth govèrn d’Aran èm fòrça satisfèti pera acuelhuda d’aguesta prumèra edicion de TerSon, un hestau pensat entà apropar era cultura e es arts ara ciutadania e entà qu’era Hèsta d’Aran esdevengue vertadèrament era hèsta grana d’Aran”.

Vielha, 18 de Junh 2024