Lèu 200 patinadors sus gèu se dèren cita era dimenjada passada en 2au Trofèu Ville de Blagnac, pròva dera liga Sudoest dera copa francesa de patinatge damb toti es nivèus e qu’acorròpe a clubs dera region francesa e a on es patinadors aranesi deth Club d’Espòrts de Gèu Val d’Aran (CEGVA), patinèren per dusau an consecutiu.

Eth dissabte, ena categoria Premiers pas masculin, eth joen Martí Alonso, (CEGVA) obtenguec era prumèra posicion deth pòdi atau coma ena categoria Avenir Femenin, Lucía Sánchez (CEGVA). Pera sua banda Claudia Capdevila, (CEGVA) se hec damb era tresau posicion.

Eth dimenge, ena categoria Novice Femenin, Noa Villacampa e Iria España (CEGVA) obtengueren era prumèra e dusau posicion respectivaments.

Era entrenadora deth CEGVA, Nathalie Pardos, a avalorat positivaments aguesti resultats pr’amor qu’aguesti patinadors an era dificultat ahijuda d’auer de modificar es programes e adaptar-les ara reglamentacion francesa d’espòrts de gèu.

Era pròplèu cita deth CEGVA serà era Copa Canillo (Andorra) es dies 12 e 13 d’abriu, puntuable entara Liga Catalana.