• En mes de mai eth Conselh Generau d’Aran iniciaue aguesti trabalhs de remodelacion der airau quirurgic, finalizadi dejà, que permeten ath nòste Espitau compdar damb dus quiròfans de plen rendiment, que se higen ath nau blòc obstetric tanben abilitat coma quiròfan, toti eri dotadi damb es darrères tecnologies

• Aguesti trebalhs an estat possibles gràcies ara dedicacion des professionaus der equip quirurgic, qu’an amiat a tèrme un gran esfòrç entà poder trabalhar sense ajornaments e mantenguent en grana mesura era activitat programada

Dejà son completament acabades es òbres deth nau airau quirurgic der Espitau Val d’Aran iniciades eth passat 2 de mai. A compdar d’aguest moment, er Espitau Val d’Aran compdarà damb dus quiròfans de plen rendiment e damb un blòc obstetric tanben abilitat coma quiròfan, toti eri dotadi damb es darrères tecnologies.

Aguest ei un auanç fòrça important entath nòste sistèma sanitari, que mos permet hèr auançar ath nòste Espitau e aufrir era melhor atencion possible as pacients.

Cau destacar qu’aguesti trabalhs an estat possibles gràcies ath trabalh e dedicacion des professionaus der equip quirurgic, qu’an amiat a tèrme un gran esfòrç entà poder trabalhar sense ajornaments e mantenguent en grana mesura era activitat programada, e qu’an desvolopat un plan de contingéncia entà trabalhar damb seguretat e coordinacion damb era rèsta d’espitaus mentre durauen es òbres.