Es Prèmis FANOC, qu’autrege era Associacion de Familhes Nombroses de Catalunya, arreconeishen era labor des entitats en encastre des familhes nombroses

FTVA arrecebec eth prèmi en IV Congrès de Familhes Nombroses jos eth lèma: “En Familha tot ei possible”

Era Associacion de Familhes Nombroses de Catalunya (FANOC) a premiat a Foment Torisme Val d’Aran enes VI Prèmis FANOC que se liurèren en VI Congrès de Familhes Nombroses en Parc d’Atraccions deth Tibidabo.

Es Prèmis FANOC se dividissen es cinc categories: Empresa, institucion, mejan de comunicacion, publicitat e personalitat. FTVA A estat premiat ena categoria d’Institucion, pera labor qu’a realizat en tot apostar fermament peth torisme familhar.

Era FANOC ei ua entitat sense ànim de lucre qu’a coma objectiu deféner, protegir e promòir es drets e es interèssi des familhes nombroses de Catalunya. Eth lèma deth congrès d’enguan ei: “En familha tot ei possible”.

Era reconeishença arribe eth 2014 en qué se celèbre er An Internacionau des Familhes Nombroses. Aguest prèmi se some ath sagèth de Torisme Familhar arrecebut er an 2013 de mans dera Federacion Espanhòla de Familhes Nombroses.

“Des dera Val d’Aran èm fòrça arregraïdi d’arrecéber aguest Prèmi FANOC qu’arreconeish eth trabalh que realizam coma destinacion e damb era collaboracion des empresaris peth torisme familhar. Ei ua reconeishença ara grana apòsta que des dera nòsta destinacion toristica amiam a tèrme e que mos place en un lòc priviliegiat en Estat Espanhòu entà seguir arrecebent as familhes”, comente era conselhèra de Torisme, Comèrç e Consum, Anna Díaz.

“Aguesti guerdons se somen ath Certificat Biosphere Destination qu’enguan mos a liurat era UNESCO, era reconeishença ath trabalh que se hè des dera Val d’Aran per ua gestion deth torisme responsable”, ahigie Diaz.