Gaudís dera setmana des Musèus ! Dies 15 e 18 de mai en Musèu dera Val d’Aran

Vielha, 14 de mai de 2019.- Coma cada an, eth dia 18 de mai se celèbre eth Dia Internacionau des Musèus (DIM) e, pendent tota era setmana, s’amiaràn a tèrme diuèrses activitats gratuïtes entà toti es publics enes equipaments de Musèus dera Val d’Aran.

Entà conscienciar ath public sus era importància des musèus entath desvolopament dera societat, era tematica escuelhuda enguan a nivèu mondiau ei “Es musèus coma èishi culturaus: Eth futur dera tradicion”. Aguest lèma e era interculturalitat esdevieràn es denominadors comuns des activitats enes Musèus dera Val d’Aran. Pendent aguesti dies, se daràn a conéisher e se participarà activaments dera diuersitat culturau e des tradicions que conviuen ena nòsta comunitat actuau.

AGENDA D’ACTIVITATS:

DIMÈRCLES, 15 DE MAI – MUSÈU DERA VAL D’ARAN

Activitats a cargue dera Asociación cultural raíces andinas de Bolivia, Zaragoza:

19h: “Cosmovisión andina del tinku. De la tradición a la modernidad”

19:30h: “El sonido del tinku”. Mòstra de musica tradicionau andina (musica instrumentau e cants antics en quechua e en espanhòu)

20h: “El tinku en movimiento”. Talhèr de dança tradicionau.

DISSABTE, 18 DE MAI – MUSÈU DERA VAL D’ARAN

18h: “El patrimoni festiu del Pirineu. Reptes de cara al futur”. Daniel Vilarrubias (archivista e expèrt en cultura populara”

19h: Taula redona damb es representants des còlhes dançaires d’Aran

22h : “Era net des musèus. Mestissatge musicau”. Concèrt de Song Aran, musica tradicionau cubana.

JORNADES DE PÒRTES DUBÈRTES (18 e 19 de mai)

Musèu dera Val d’Aran, Vielha : dissabte, 10-13h e 17-20h; dimenge, 10-13h

Ecomusèu Çò de Joanchiquet, Vilamòs : dissabte, 11-14h e 16-19h; dimenge, 11-14h.

EXPOSICIONS

“ENTRE CULTURES, ES VESTITS DES PÒBLES”, Musèu dera Val d’Aran

Era recepcion deth musèu se vestirà de tradicion, ja que s’expausaràn pèces de vestits tradicionaus aranesi e tinku (des regions andines de Bolívia), coma cultura convidada.

Dates: deth 15 ath 19 de mai en orari de dubertura deth musèu.

“SE’N PARLAVE I N’HI HAVIE”, Ecomusèu Çò de Joanchiquet

En primícia, traparatz era mòstra itineranta sus eth fenomèn dera bruisheria enes tèrres deth Pirinèu e era plana de Ponent, organizada e produsida pera Xarxa de Museus de les Terres de Lleida i Aran. Dates: dubertura exclusiva entàs dies 18 e 19 de mai, en orari de dubertura deth musèu.

“ARAN ME FECIT”, Sant Joan d’Arties

Darrèri dies entà visitar era exposicion de referéncia sus eth patrimòni sacre d’Aran, que ja an pogut veir mès de 700 persones. Glèisa a glèisa, pòble a pòble descorbís er entorn paisatgistic, es òbres d’art e es planimetries des grani monuments dera Val. Dates: de deluns a dissabte, de 17-20h (dubèrta enquiar 1 de junh).

Seguís e compartís es tues experiéncies pedent tota era setmana deth 13 ath 19 de mai damb Musèus Val d’Aran e es hashtags:

#DIMtradicioicultura #DIM2019 #XMTLLA #anderamemoria2019