• Era gessuda aurà lòc aguest dissabte, dia 10 de seteme, en Plan de Beret.

• Entara inscripcion, sonque cau enviar un mail damb es vòstes donades a: c.madruga@aran.org o en tot telefonar ath Conselh Generau d’Aran, tel. 973 64 18 01, e demanar per Cristina Madruga.

Eth Departament d’Agricultura, Ramaderia e Medi Naturau deth Conselh Generau d’Aran, a organizat entath pròplèu dissabte, dia 10 de seteme, ua gessuda entà conéisher melhor era vegetacion des hanhassi e morassi (ambients aquatics de montanha) deth nòste territòri.

Era gessuda anarà a cargue deth grop de Geobotanica e Cartografia dera vegetacion dera Universitat de Barcelona e s’enquadre laguens deth projècte LIFE + NATURA LIMNOPIRINEUS, deth quau eth Conselh Generau d’Aran ne forme part.

Aguesta gessuda s’adrece ad aqueres persones qu’agen interés en ampliar eth sòn coneishement en medi naturau, e non cau auer coneishements previs sus es matèries. Entara inscripcion, sonque cau enviar un mail damb es vòstes donades a: c.madruga@aran.org o en tot telefonar ath Conselh Generau d’Aran, tel. 973 64 18 01, e demanar per Cristina Madruga.

Mès informacion: http://www.lifelimnopirineus.eu

Vielha, 6 de seteme de 2016

Conselh Generau d’Aran: Núria Sanjuan