Vielha, 13 d’abriu de 2018.- Eth Conselh Generau d’Aran a trauès deth departament d’Agricultura, Ramaderia e Miei Naturau, organize dues gessudes entath monitoratge des pics dera Val d’Aran.

Aguestes gessudes an coma objectiu era contunhitat des prospeccions des principaus espècies d’audeths presents ena Val d’Aran a trauès dera participacion de volontaris.

Es gessudes se realizaràn eth dissabte 21 d’abriu entre es 07:30 ores e es 12:30 ores e eth dissabte 12 de mai damb eth madeish orari.

Es inscripcions entàs gessudes, enes que i pòt en participar quinsevolh, son gratuïtes e se pòden realizar en madeish Conselh Generau d’Aran, en tot contactar damb Gerard Viló gvilo@aran.org  o per telf. ath 973 641 801.

Aguestes gessudes s’includissen laguens deth projècte “Habios” entà melhorar era eficiéncia ena conservacion dera avifauna e ena gestion d’abitats forestaus, en marc deth Programa Operatiu de Cooperacion Territoriau Interreg (Espanha, França, Andòrra) 2014 a 2020 POTECFA, e compden damb era collaboracion de LPO France (Ligue pour la Protection des Oiseaux) e de Verd e Blu Val d’Aran.