Era dimenjada passada se disputèc ena poblacion de Vielha, eth prumèr Open ena modalitat de Ski Inline. Ua modalitat qu’enes darrèri tempsi dralhe fòrt e qu’eth CAEI volec apropar as abitants dera Val d’Aran.

Eth dissabte pera tarde se dauriren uns entrenaments liures a on toti es corredors poderen provar eth traçat e eth carrèr a on londeman s’anaue a disputar era competicion. Aguesti entrenaments tanben serviren entà acabar de convéncer a diuèrses persones que non vedien fòrça clar passar ua SL damb uns patins de linha.

Eth dimenge peth maitin 30 sigueren es corredors que s’animèren a realizar es 3 manges que ne constaue era pròva, 3 manges a on podérem veir eth nautíssim nivèu qu’auien bèri uns des participants. D’aguestes 3 manges, sonque 2, es 2 melhores de cada corredor èren puntuables entara soma deth temps finau.

En finalizar era jornada s’arribèc ath despartiment de prèmis ath costat d’un tiratge d’obsequis des diferenti patrocinadors der eveniment e un minjar qu’eth CAEI aufric a toti es assistents ar eveniment.

Eth Club Aranés trè ua avaloracion fòrça positiva d’aguest eveniment e ja trabalhe entara dusau edicion a on non escarte bèra nauetat entà atrèir ath delà public e participants.

            Pèir Cónsul, corredor deth CAEI.

Guanhadors enes diferentes categories:

U16 Hemnes

1. Ainhoa Mellado SCB
2. Carmela Olmo CAEI.
3. Clara Albert CAEI.

U16 Òmes

1. Marc Morera SCB
2. Pau Puerto SCB
3. Pol Salvat CAEI.

U14 Òmes

1. Martí de Dalmases SCB
2. Pèir Consul CAEI.
3. Isi Nogueras SCB

Alevins Hemnes

1. Alexia Nogueras SCB
2. Ona Vidal SCB
3. Jara Beso CAEI.

Alevins Òmes

1. Iu Vidal SCB
2. Daniel Gonzalvez
3. Modesto Alvarez CAEI.

Prealevins Òmes

1. Enak Jimenez

Prealevins Hemnes

1. Ona Abad