• Candanchú celebrèc es Campionats d’Espanha Absoluts d’esquí de hons dera sason 2013-2014
Participèren en aguest nacionau es categories Mastèr I e II, Sènior e Júnior I e II que heren concurréncia jos es tecniques liures, classica e relèus mixtos e enes distàncies de 15, 10 e 7,5 quilomètres. Eth totau, sigueren 41 eth nombre corredors catalans provenenti de 6 clubs de Catalunya: 8 der ANEC, 10 deth PEC, 8 deth CEFUC, 6 deth BELLVER 7 deth CENA e 2 deth CAEI.
Ena pròva individuau Skating, ena categoria, Júnior 2, era aranesa Marta Céster (ANEC) se portèc er aur. Per çò qu’ei des medalhes d’aur artenhudes ena pròva de classic Júnior 1, es aranesi Oriol Llarden (ANEC) e Lydia Iglesias (ANEC) sigueren es guanhadors, Marta Céster (ANEC) se hèc damb eth Júnior 2.
Era joena aranesa Lydia Iglesias (ANEC) , se portèc era medalha d’argent ena sua categoria ena pròva de Skating, deth temps qu’en estil classic, es Sots Campions per categories sigueren es aranesi Roger Espinet (CAEI) e Marta Moreno (CAEI).
Fin finau, es aranesi Pol Vidal (ANEC), e Marta Moreno (CAEI) artenheren era medalha de bronze en Skating.