Es Alevins e era seccion d’Interclubs deth Club Aranés Espòrts d’Iuèrn (CAEI) aueren competicion era passada dimenjada. Toti dus grops se desplacèren enquiara estacion d’Espot entà disputar eth XIIIau Trofèu Floquet de Nhèu e eth XII Trofèu Interclubs Espot Esquí e entre es dues equipes obtengueren fòrça boni resultats.

Es prumèrs a entrar ena competicion sigueren es gojats e gojates d’Interclubs. Eth dissabte, 21 de gèr, disputèren un Gigant a on s’artenheren tres pòdis, dus ena categoria U14: era aranesa, Aina Masip (prumèra) e Axel Coscollola (tresau) e un ena U16: Guzmán Fernández (tresau).

Eth dimenge, 22 de gèr, se realizèc damb exit er Eslalom e era equipa deth CAEI somèc dus pòdis mès. Es araneses Aina Masip (U14) demorèc dusau e Ares Capdevila (U16) tresau.

Ara seguida se disputèc era carrèra d’Alevins e cau soslinhar eth gran trabalh hèt per tot aguest grop que, maugrat es caigudes, pugèren sies còps ath pòdi.

Era competicion se disputèc ena modalitat de GS e es resultats des petiti deth club sigueren es següents:

U10 Dames: 3au Rita Herencia
U10 Òmes: 2au Vicente Munilla, 3au Simón Calzado

U12 Dames: 2au Daniela Chalbaud
U12 Òmes: Pòdis entàs aranesi: 1èr Víctor Puente e 3au Marc Ubeira

Vielha, 24 de gèr de 2017

Conselh Generau d’Aran: Núria Sanjuan

Hònt e fotos: CAEI