Grani resultats des patinadors aranesi deth CEGVA en Puigcerdà

• Eth Club Espòrts de Gèu Val d’Aran (CEGVA) artenh 11 pòdis ena Copa Puigcerdà de patinatge artistic sus gèu

• Ei era dusau pròva puntuable dera Liga Catalana de Patinatge Artistic sus gèu 2014-2015

Era passada dimenjada, 21 e 22 de hereuèr, eth C.E. Patinatge Artistic Puigcerdà e era FCEH organizèren ua edicion mès dera Copa Puigcerdà de patinatge artistic sus gèu, ua pròva barrada as clubs dera FCEH e as clubs dera FAEG (Andòrra), segons convèni signat entre es dues federacions.

Èren convocades es categories Autonomiques A (Escòla, Debutants, Benjamí Aleví, Cadet e Veterans), Autonomica B (DebsA, Infantila A, Júnior A e Sènior A), Nacionaus e Internacionaus (2au Categoria, Debs, Basic Novice, Novice Advance, Júnior ISU, Sènior ISU) e Modalitat de parelhes de liure (Basic Novice, Júnior ISU e Sènior ISU).

Es campions e campiones deth CEGVA d’aguesta edicion dera Copa Puigcerdà 2015 an estat: Claudia Capdevila, en Benjamí femenin; Martí Alonso, en Benjamí masculin; Alba Sastrada, en Cadet femenin; Irene Aris, en Debutant femenin; Aina Masip, en Infantil A femenin; Alexandru Ilici, en Júnior masculin e Leire España, en Júnior femenin.

Aguesta Copa Puigcerdà forme part deth conjunt de pròves dera Liga Catalana de Patinatge Artistic sus gèu 2014-2015, amassa damb era Copa CEGVA Campionat de Catalonha (celebrat en Vielha eth passat mes de gèr), era VII Copa Canillo e era Copa Internacionau Ciutat de Barcelona, previstes entàs pròplèus mesi de març e mai, respectivaments.

Resultats deth CEGVA -COPA PUIGCERDÀ:

ALEVÍ FEMENÍ

4ª Anne RIPA
5ª Ana CHESA

BASIC NOVICE B FEMENÍ

5ª Iria ESPAÑA
6ª Georgina SERRALLACH
7ª Griselda SERRALLACH