• Eth projècte pretèn estimular era creacion e consolidacion de DMC’s (Destination Management Companies) en Catalonha.

Des dera Direccion Generau de Torisme, a trauès dera Agéncia Catalana de Torisme e Catalonha Empren, s’a fomentat era IIau Edicion deth Programa “Start-DMC Tourism”.

Eth projècte pretèn estimular era creacion e consolidacion de DMC’s (Destination Management Companies) en Catalonha, damb er objectiu d’incrementar era aufèrta de productes toristics experienciaus e era sua comercializacion.

Satisfèti damb es resultats dera prumèra edicion, des dera Direccion Generau de Torisme contunharàn dant supòrt ara emprenedoria ena creacion de producte toristic innovador e experienciau, er an passat sigueren 10 es projèctes seleccionadi, aguest 2016 seràn 12 es iniciatiues que poderàn incorporar-se gratuïtaments ath “Pla Embarca Start-Up Catalonia”.

Pendent es 8 mesi que dure eth programa, es empreses seleccionades compdaràn damb un tutor que les acompanharà en procès, seguiràn un programa de formacion practica entà melhorar era sua capacitat de gestion e obtieràn diferenti contactes que les poderàn orientar ena sua estrategia de creishement .

Non dobtes en participar se:

– As un projècte en encastre deth dessenh e era comercializacion d’experiéncies toristiques diferentes que meten en valor es recorsi toristics deth territòri deth nòste país.
– Vòs reorientar era tua activitat cap a un entorn de gestion d’experiéncies toristiques innovadores
– Era tua empresa a cinc ans de vida coma maximom
– As aumens ua persona dedicada a temps complèt en projècte

Traparàs tota era informacion (critèris d’avaloracion, prestacions deth programa, sollicitud de participacion, contengut minim deth projècte, calendari) en: http://act.gencat.cat/start-dmc.

Entà quinsevolh dobte, non dobtes en consultar-mos a trauès deth corrèu electronic startdmctourism@gencat.cat.

Vielha, 10 de hereuèr de 2016

Conselh Generau d’Aran: Núria Sanjuan