Aguest passat dimenge 21 de seteme, auec lòc era inauguracion dera remodelacion des òbres deth campanau dera Glèisa Sant Miquèu de Vielha, que patic fòrça damatges. En aguest acte, i sigueren presents eth síndic d’Aran, Carlos Barrera, eth baile de Vielha e Mijaran, Àlex Moga, er arquevesque dera Seu d’Urgell, Monsenhor Joan Enric Vives e eth conseller de cultura dera Generalitat de Catalonha, Ferran Mascarell.

Era reabilitacion, qu’auec un prètz totau de 54.457,71€, siguec finançada peth Conselh Generau d’Aran, er Ajuntament de Vielha e Mijaran (proprietari deth campanau) e pera Generalitat de Catalonha.  Eth Conselh aportèc 14.9993€, d’aguesti, 11.000€ èren de hons pròpis e era rèsta en espècia de lòsa vielha entara reabilitacion deth campanau.

Era Glèisa Sant Miquèu de Vielha ei monument que gaudís de protecion coma Ben Culturau d’Interés Nacionau.