Vielha, 30 de març de 2019.- Eth Conselh Generau d’Aran e eth Consell Comarcal dera Nauta Ribagorça invertiràn a trauès d’un convèni de collaboracion 17.085 € cadun destinadi ara senhalizacion deth Camin de Sant Jaume “Aran-Pirinèus”, includit en projècte estrategic de dinamizacion dera varianta Camin de Sant Jaume en marc deth Programa de Desvolopament Rurau de Catalonha 2014-2020.

Ambdues administracions invertiràn eth 50% cadua deth totau deth pressupòst destinat en aguestes accions.

Eth traçat des de Saint Bertrand de Commenges enquia Berbegal (Huesca) se junherà damb eth tram ja finalizat e comercializat ena zòna de Somontano e qu’enlace damb diuèrses variantes dera rota, entre eres era catalana.

Era senhalizacion serà damb era vieira auriòla sus hons blu e era flecha auriòla ena part superiora deth nòm “Aran-Pirinèus” e ena part inferiora eth nòm dera zòna per a on transcor eth tram.

Aguest nau producte d’impacte toristic e economic qu’englobarà diuèrsi territòris: França, era Val d’Aran, Nauta Ribagorça e era Ribagorza Aragonesa se coneisherà coma: “Aran-Pirinèus”. Era senhalizacion se harà a trauès des servicis tecnics deth Conselh Generau d’Aran.

Eth Conselh Generau, señalizará eth tram des dera termièra enquia Vielha, en tot profitar eth madeish recorregut deth Parcours Cyclable (Rota ciclista) que s’includís laguens eth Projècte TRANSGARONA deth camin naturau der arriu Garona des de Vielha ena termièra damb França, projècte transfronterièr compartit entre eth Conselh Generau d’Aran e eth Conseil Départemental de l’Haute Garonne.

Eth Camin natural Ciclable connectarà er actuau “Parcours Cyclable de la Garonne” en França damb eth neishement der arriu Garona en tot trauessar era Val d’Aran. Eth nau pas permet júnher es propòstes de grans rotes existentes a costat e costat des Pirinèus de forma que eth pas pera Val d’Aran constituirà en futur eth principau e unic pas en bicicleta des Pirinèus Centrals.

Eth Camin de Sant Jaume “Aran-Pirinèus” aurà dues variantes ena Val d’Aran, ua que passarà peth Tunèl de Vielha, e era auta que se poderà hèr a pè en tot trauessar eth Pòrt. Ambdues se junheràn damb eth Camin de Santiago en tot passar pera Val de Conangles, Senet, Montanuy e Bonança, de ligam damb era Ribagorza Aragonesa.