Irati Cuadrado e Sadurní Betriu, guanhadors dera 45au edicion dera Marxa Beret

hereuèr 2, 2025 Cabecera, Espòrts, Govèrn, Notícies, Slider

Imatges: Anna Tur

  • Aué dimenge a estat eth dia dera demorada Marxa Beret, puntuable entath Campeonat d’Espanha d’esquí de hons de longa distància e que forme part deth calendari FIS de Longa Distància.

  • Enguan era Marxa a entrat en prestigiós circuit “Ski Classics Challengers” e a aufrit era publicacion des resultats en streaming e totes es imatges descarregables ena sua pagina web.

  • Insuperables condicions meteorologiques en aguesta 45au edicion ena que Joan Navarra, de 85 ans, participaire de totes es edicions dera Marxa Beret, a podut tornar a repetir.

Era 45au edicion dera Marxa Beret s’a celebrat aguest maitin en Plan de Beret, en ua jornada mercada pera bona climatologia. Er eveniment s’a desvolopat enguan enes zònes de Beret e Òrri, en tot adaptar es distàncies pr’amor des condicions dera nhèu pensant tostemp ena seguretat des participaires.

Es guanhadors e guanhadores d’aguesta 45 edicion an estat:

 31 km Hemnes:

  1. Irati Cuadrado (IRRTZ) 1h43:47
  2. Marta Céster (CAEI) 1h50:06
  3. Laura Orgué (CEFUC) 1h52:20

 31 km Òmes:

  1. Sadurní Betriu (CEAS) 1h27:00
  2. Diego Ruiz (CMGC) 1h31:44
  3. Oier Ibergallartu (CVCE) 1h33:44

 18 km Hemnes:

  1. Nuria Ruiz (CENA) 58:34
  2. Joana Puig (CFCEN) 58:43
  3. Maddalen Ruiz de Galarreta (ASPE) 1h01:16

 18 km Òmes

  1. Pau Molins (CENA) 49:01
  2. Bernat Cadena (CENA) 49:52
  3. Guim Gabarro (CFCEN) 50:23

 10 km Hemnes

  1. June Aranburu (Alpino Utzurre eski taldea) 33:32
  2. Nausicaa Sauqué (CEFCEN) 35:49
  3. Libe Currás (Alpino Utzurre eski taldea) 36:30 

10 km Òmes

  1. Jofre Puig (CEFCEN) 27:50
  2. Roger Sanchez  (CENA) 28:27
  3. Jules Lejeune (Esquí Club d’Azun) 28:57

Mini Marxa Beret (5km) Hemnes

  1. Mariona Matamoros (ADHB) 19:11
  2. Anaïs Barbier (Montagnard Argeliesiens PVG) 21:04
  3.  Florence  Deweerdt (Montagnard Argeliesiens PVG) 22:39 

Mini Marxa Beret (5 km) Òmes

  1. Alvaro Gimeno (SKI CLUB ASPE) 18:10
  2. Ferdinand Deweerdt (Montagnard Argeliesiens PVG) 19:00
  3. Voytek Aldaz (Club Pirineos Roncal) 22:18

Aguesta 45 edicion artenh ua importanta hita entara Marxa Beret, pr’amor  qu’enguan a entrat en circuit “Ski Classics Challengers” çò que da major visibilitat a nivèu europèu, sustot entre es esportistes de païsi damb grana aficion per esquí de hons coma es païsi nordics, Itàlia e França, en tot plaçar ara Val d’Aran coma territòri ideau entara celebracion d’eveniments d’espòrts de nhèu de grana acuelhuda e coma nauetat a hèt era publicacion des resultats en streaming e totes es imatges descarregables ena sua pagina web.

Era Marxa Beret damb mès de 700 participaires ei ua des pròves d’esquí nordic mès consolidades que se realizen en país. Mès enlà des esportistes d’elit, era majoria des participaires pertanhen a un public familhar e grops d’amics que la gaudissen coma era hèsta der esquí de hons. En paraules deth mès veteran, participaire de totes es edicions dera Marxa Beret, Joan Navarra: “È 85 ans, è competit tostemp en aguesta espectaculara corsa e, enquia que poga, contunharé participant”.

Enguan commemoram ua des competicions d’esquí de hons mès antigues, era Marxa Beret organizada peth Conselh Generau d’Aran e Baqueira Beret, damb era collaboracion dera RFEDI, era Federacion Catalana Espòrts d’Iuèrn (FCEH) e es ajuntaments de Naut Aran, Vielha Mijaran, Volentaris d’Aran, ADDA e Pompièrs-Emergéncies.

Vielha, 2 d’hereuèr 2025

Comments are closed.