Vielha, 9 de mai de 2018.- Era Oficina de Joenessa deth Conselh Generau d’Aran organize eth pròplèu dissabte dia 12 de mai pera tarde un talhèr participatiu entà promòir conductes e estils de vida saludables ena alimentacion.

Eth talhèr qu’incorpòre ua charrada sus alimentacion saludable e etiquetatge de productes anarà a cargue dera dietista e nutricionista Maria Riart.

Era activitat, qu’ei daurida a toti, debanarà eth dissabte dia 12 de mai tas 17 ores ena aula de formacion deth Conselh Generau d’Aran, carretèra de Gausac, 1- Edifici Val d’Aran.

Entà mès informacion vos podetz adreçar ath Burèu de Joenessa C/ Major, 36 o trucar ath 973 640 625 o ath corrèu electronic a joenessa@aran.org

Eth talhèr compde damb era collaboracion dera Direccion Generau de Joenessa dera Generalitat de Catalonha.