• Era Oficina de Joenessa deth Conselh Generau d’Aran collabòre ena organizacion d’aguesta jornada, qu’a coma objectiu amassar a persones emprenedores qu’amien a tèrme activitats extraescolars d’educacion en léser ena Val d’Aran e comarques deth Naut Pirenèu, damb era finalitat de poder reflexionar sus eth sòn modèl de negòci e crear sinérgies entre es projèctes

Eth projècte “Arraïtza-te” torne eth pròplèu dimars, 19 d’octobre, de 10:00 a 13:00 ores en format networking en linha. Enguan, era tematica seleccionada ei era educacion non formau e eth léser coma oportunitat d’activacion deth territòri.

Enguan, “Arraïtza-te” presente ua unica jornada de networking qu’unifique es comarques deth Naut Pirenèu e era Val d’Aran, e qu’a coma hilat principau era oportunitat de hèr dera educacion e eth léser un projècte empresariau. Era tematica seleccionada entà aguesta jornada de networking nèish des objectius comuns recuelhuts enes plans de reactivacion economica d’aguesti territòris.

I collabòren era Oficina de Joenessa dera Val d’Aran, es Oficines Joves dera Alta Ribagorça, Pallars Sobirà, Pallars Jussà, Alt Urgell e Cerdanya, eth Conselh Generau d’Aran e es Consells Comarcals d’aguesti territòris, atau coma eth Consorci Leader Pirineu Occidental e eth Consorci GAL Alt Urgell – Cerdanya, er Ateneu Cooperatiu deth Alt Pirineu e Aran e er Institut per al Desenvolupament I la Promoció de l’Alt Pirineu i Aran (IDAPA).

Er objectiu d’aguesta jornada ei amassar a persones emprenedores que hèsquen activitats extraescolars d’educacion en léser, damb era finalitat de poder reflexionar sus eth sòn modèl de negòci e crear sinérgies entre es projèctes.

Ena session, tanben se presentaràn exemples de bones practiques en projèctes d’educacion en léser coma: La Granja Escola deth Montseny, era Escola de teatre e circ d’Amposta, Xamfrà deth barri deth Raval de Barcelona e Lluçanès territòri educador.

Entà mès informacion, podetz consultar era plana web https://arrelat.fempirineu.cat