Eth GRM (Grop de Rescat de Montanha) Val d’Aran, efectuèc ua jornada de formacion e practica de rescat de lauegi ena montanha.

Pendent era session, s’expliquèc eth nau esquèma de gestion deth servici d’Emergéncies, prevencion e extincion d’incendis, rescats de montanha e proteccion civiu, d’integracion des servicis d’emergéncies e Pompièrs deth Conselh Generau d’Aran.

Posterioraments s’amièc a tèrme era session practica, ena que i participèren unitats deth GRM Pompièrs d’Aran, Centre de Prediccion de Lauegi dera Val d’Aran, pisters de Baqueira-Beret, agents de Mossos d’Esquadra, Agents Ruraus, agents Forestaus, Guides de Montanha, agents dera Gendarmerie francesa e dera Ertaintza.

Era jornada consistic ena coordinacion des diferenti grops qu’actuen en un scenari de multiples victimes eth cas de lauegi, dera transferéncia d’informacion e des diferentes fases deth rescat: avís d’accident, accion der operatiu, recèrca, rescat organizat e tractament des possibles victimes.

Fin finau era session barrèc damb era practica d’un rescat sus eth terren.