Era Val d’Aran a entrat a formar part deth territòri LEADER laguens deth marc deth Programa de Desvolopament Rurau (PDR) de Catalonha 2014-2020. Eth programa Leader son ajudes europèes damb er objectiu de fomentar eth desvolopament locau des zònes ruraus, ajuts destinats majoritariament a empresaris e emprenedors deth territòri.
Era Val d’Aran s’a aderit ath Grop d’Accion Locau Consòrci Leader Pirenèu Occidentau qu’ei er organ gestor des ajudes Leader en Pallars Jussà, Pallars Sobirà, Alta Ribagorça e des d’enguan tanben en Aran.
Era metodologia Leader ei ua metodologia ascendent, a on es decisions se prenen des de cada territòri. Ara madeish se trabalhe ena naua Estrategia de Desvolopament Locau (EDL) e eth corresponent procès participatiu que mercarà es èishi principaus enes qué se basarà era pròpria estrategia deth Grop Leader entàs pròplèus 6 ans. Pera aguest motiu vos convidam a participar ena jornada deth dia 2 de junh en Conselh Generau d’Aran (Passèig dera Libertat, 16. Vielha) en orari de 10h a 13:30h.
Per ua auta banda, eth dia 4 de junh entàs 12h00 en Conselh Generau d’Aran, se realizarà era jornada destinada as joeni e as hemnes, es sectors des zònes ruraus de mès interès segons era Union Europèa.
Ambdues jornades son de liure accès, mès vos agraïriem era vòsta confirmacion entà ua mielhor organizacion: Conselh Generau d’Aran, tel. 973 64 18 01 (Cristina Madruga).
Aqueres persones que volguen dar era sua opinion e non poderàn assistir as jornades, poden respóner era següenta enquesta: