Era passada dimenjada, es dies 23 e 24 de hereuèr, eth doctor arquitècte dera School of Architecture dera Universitat Internacional de Catalunya, Josep Lluís i Ginovart, a estat ena Val d’ Aran damb ua dotzea d’estudiants d’arquitectura de diferenti païsi deth mon, en tot visitar era exposicion: ARAN ME + FECIT, dubèrta enquiath 27 d’ abriu ena glèisa de Sant Joan d’ Arties.

Tanben visitèren es glèises de Santa Maria d’Arties, Sant Andrèu de Salardú, Santa Eularia d’Unha, Santa Maria de Mijaran o era Purificacion de Maria de Bossòst, en tot diboishar e compréner es metòdes e elements arquitectonics des madeishes.

Er assessor de Cultura e Patrimòni deth Conselh Generau d’Aran, Jèp de Montoya, les a acompanhat, en tot dar-les ua sèria d’explicacions tà compréner aguest auviatge culturau laguens deth sòn contèxt istòric e identitari.

Vielha, 25 de hereuèr de 2019

Conselh Generau d’Aran: Núria Sanjuan