• Eth Plan de Beret a acuelhut eth Campionat d’Espanha d’esquí de hons de longa distància- 2auTrofèu SALOMON Skating, damb dus recorreguts: 15 Km e 30 Km
• Prumèr lòc enes sues respectives categories entàs araneses, Lydia Iglesias (ANEC) e Marta Céster (CAEI)
• Pòdi entàs aranesi Roger Espinet (CAEI) e Marc Pérez (ANEC)
• Bon papèr tanben deth joen aranés, Marc Vidal, der ANEC qu’a acabat 4au
Laura Orgué seguida per Diego Ruiz
Eth Plan de Beret a acuelhut aué eth Campionat d’Espanha de longa distància- 2auTrofèu SALOMON Skating, ua pròva en estil liure (Skating) ena quau s’an dat cita 102 corredors e a compdat damb dus recorreguts, un de 15Km e un aute de 31Km.
Era esquiadora catalana dera RFEDI, Laura Orgué, s’a proclamat guanhadora (30Km) damb un temps de 02:02:53, ena dusau posicion a finalizat era aragonesa, Mónica Sáez, damb un temps de 02:07:09 e tresau, era esquiadora basca Maialen López damb un temps de 02:08:00.
Eth guanhador ena pròva masculina (30Km) a estat er esquiador de Jaca, Diego Ruiz, damb un temps de 01:46:12, seguit der aragonés, Pedro Quintana, damb un temps de 01:52:44 e tresau a finalizat, eth tanben aragonés, Roberto Piqueras, damb un temps de 01:53:28.
Es araneses, Lydia Iglesias (ANEC) e Marta Céster (CAEI), prumères enes sues categories.
En çò que tanh as joeni corredors e futures promeses der esquí de hons, es guanhadors an estat en JUN I (15 KM), era aranesa der ANEC, Lydia Iglesias, seguida d’Irati Izaguirre (UZTUR) e tresau Pepa Garcia (BELLV). En çò que tanh a gojats, eth guanhador a estat Andrés Sánchez (MAYENCOS) seguit des aranesi, Roger Espinet, deth CAEI e Marc Pérez der ANEC.
Er aranés deth CAEI, Roger Espinet
Eth joen aranés, Marc Vidal (ANEC), damb eth conselhèr d’Espòrts d’Aran, Luís Carlos Medina.
En çò que tanh ara categoria CADET (15 Km), era guanhadora s’a proclamat Carola Vila (CEFUC) seguida de Rita Auladell (PEC) e tresau a finalizat Alba Puigfabregas (CÈC). En gojats, eth prumèr a crotzar era mèta a estat Gral Selles (BELLV) seguit d’Oier Ibergallartu (VSCAM) e de Francesc Colell (CEFUC). Er aranés, Marc Vidal, (ANEC) a artenhut ua meritòria quatau posicion.
Ena categoria JUNIOR II (15Km) era vencedora a estat era aranesa deth CAEI, Marta Céster, seguida dera esquiadora, Uxue Loizu (UHRTE) e d’Iosune Labiano (UHRTE).
Era competicion a compdat damb era preséncia deth conselhèr d’Espòrts d’Aran, Luís Carlos Medina, deth president dera RFEDI, May Peus, e deth president dera FCEH, Óscar Cruz, qu’an felicitat as guanhadors e an animat ara rèsta des participants.
Eth Campionat d’aué ei laguens des activitats que se hèn damb motiu dera 36 Marxa Beret qu’aurà lòc deman peth maitin e que compde damb 1000 inscriti. Era carrèra prepause 3 distàncies: 10, 21 e 42 km. Que transcorren peth Plan de Beret a 1.850m d’altitud e que passen peth pòble de Montgarri.
Aguesta edicion, era preparacion ei mès intensa pr’amor ara adaptacion dera competicion as exigéncies que compòrte era organizacion des Campionats d’Euròpa de Longa Distància donques qu’era Marxa Beret a estat era sedença escuelhuda entara organizacion d’aguest eveniment entara sason 2015/2016. Ath delà, era carrèra aranesa ei puntuable FIS e ei laguens deth calendari Euroloppet qu’amasse es marches populares d’esquí de hons mès importants d’Euròpa.