Vielha, 4 d’octobre de 2018.- A compdar deth pròplèu 6 d’octobre e enquiath 3 de noveme debanaràn ena Val d’Aran es tradicionaus hèires deth bestiar enes poblacions de Les, Salardú, Vielha e Bossòst.

Dissabte, 6 d’octobre:

Les: 08:00 Dubertura der espaci dera hèira. 09:00 Inauguracion dera hèira a cargue des autoritats. 10:00 Esdejoar de montanha aufrit peth Supermercat Boya e premanit pes escolans dera Escòla d’Ostalaria de Les, animacion musicau e degustacion de licors de Casa Portet. Exposicion e venta de bestiar e pendent tot eth dia mercat tradicionau e artesanau de tardor.

Dimenge, 7 d’octobre:

Salardú: 09:00 Arribada deth bestiar. 09:30 Esdejoar popular aufrit per Ajuntament de Naut Aran. 10:30 Mòstra deth bestiar, oelhes, vaques e shivaus. Mercat comerciau e de productes agricòles ath long dera jornada.

Deluns, 8 d’octubre:

Vielha: 10:00 Esdejoar popular en espaci dera hèira (plaçat ena ancian camp de fotbòl de Vielha). 10:00-11:00 Inscripcion deth bestiar en tot participar en XXXII concors de bestiar. 11:00 Avaloracion des exemplars per part deth jurat. 12:00 Liurament der incentiu d’assisténcia as pagesi participaires e repartiment de prèmis. Hèira pagesa e de productes agricòles. Ath delà, pendent tot eth dia mercat comerciau (Av. Castièro).

Dissabte, 3 de noveme:

Bossòst: Era Hèira de Bestiar de Bossòst ei ua hèira tradicionau pagesa ena quau s’i mòstren es melhors exemplars de crabes, oelhes, vaques e shivaus. Es actes se complèten damb exibicions de tradicions agricòles e pageses. 10:00h Dubertura der espaci dera hèira. 10:30h Liurament der incentiu d’assisténcia as pagesi participaires. 11:00h Esdejoar popular. Pendent tot eth dia activitats restacades damb “Era Mongetada”, plea de prepauses ludiques e gastronomiques restacades damb aguest producte autoctòn dera Val d’Aran.