• Ena tarde d’ager auec lòc era presentacion d’aguest cors, organizat peth govèrn deth Conselh Generau d’Aran amassa damb era Associacion der Espòrt Espanhòu (ADESP) e qu’a coma objectiu impulsar era preséncia de hemnes en lòcs directius en mon der espòrt

Pendent era tarde d’ager, 3 d’abriu, auec lòc era presentacion deth programa “Hilat de Lidèrs, Hemnes dirigentes esportives”, organizat peth govèrn d’Aran amassa damb era Associacion der Espòrt Espanhòu (ADESP).

Aguesta formacion ei adreçada as hemnes que son interessades en èster dirigents esportives, entrenadores o realizar quinsevolh auta foncion laguens deth sector esportiu e s’ei an apuntat ath torn de 37 hemnes.

“Deth govèrn d’Aran ençà èm plan satisfets de  veir era gran acuelhuda qu’a auut aguest programa, qu’auem organizat amassa damb era ADESP entà impulsar era formacion des hemnes ena gestion esportiva e fomentar qu’agarren eth lideratge enes entitats esportives, pr’amor qu’ei un ahèr clau entà afavorir ua igualtat efectiva en aguest airau”.

Eth cors, de 20 ores, serà en format telematic e ei compausat per quate moduls enfocadi toti eri ath sector der espòrt: aprenedissatge de soft skills o abilitats personaus, gestion de projèctes, casi d’èxit inspiradors e un darrèr modul en que s’expliquen es estructures d’organizacion esportiva en país.

Es hemnes que i volguen participar encara s’i pòden inscríuer en següent ligam: https://www.sportnet4women.es/rdl-aran