Era passada dimenjada, eth Departament d’Agricultura, Ramaderia e Medi Naturau, damb era collaboracion deth SCPVA e SCPNA, organizèc un Cors de Sanitat e Igièna de carn silvèstre de caça a cargue des professors Dr. Santiago Lavín, Dr. Ignasi Marco e Dra. Roser Velarde, deth Servei d’Ecopatologia de la Fauna Salvatge SEFAS de la Facultat de Veterinària de la UAB.

Eth cors, que s’impartic ena sala d’actes deth Conselh Generau d’Aran, compdèc damb era preséncia deth sindic d’Aran, Carlos Barrera, e deth conselhèr d’Agricultura, Ramaderia e Medi Naturau d’Aran, José E. Arró, qu’arregraïren era preséncia des lèu 100 participants.

Er ojectiu deth cors a estat dar compliment ath Reglament CE 853/2004 deth Parlament Europeu e deth Consell, de 29 d’abriu, peth quau s’establissen es nòrmes especifiques d’igièna des aliments d’origen animau.

En paraules deth conselhèr d’Agricultura, Ramaderia e Medi Naturau, José E. Arró, “aguesta normativa permet que quinsevolh persona damb ua formacion suficienta sus eth programa deth cors, pogue certificar qu’es pèces de caça poguen èster transportades a un establiment autorizat de tractament de carn de caça e destinada ath sòn comerç entath consum uman”.

En acabar eth cors, a toti es assistents se les expedic un certificat d’assisténcia