• Era mesura deth Conselh Generau d’Aran a anat adreçada entà garantir er accès as paratges mès emblematics dera Val d’Aran

Eth Conselh Generau d’Aran, per miei dera empresa Servicis Ambientaus dera Val d’Aran (SAVA, S.L.) a desvolopat un plan de limpiesa de camins forestaus pes afectacions produsides ath long deth iuèrn passat ena montanha.

Aguesta intervencion a afectat a camins de tota era Val d’Aran (connexions entre pòbles e rutes toristiques pes dus costats,…) er espaci dera actuacion a estat de 113.037,55 mètres x 2 mètres d’amplada e ei avalorada en 91.000 èuros.

Eth conselhèr d’Agricultura, Ramaderia e Medi Naturau, Jose E. Arró, a explicat que “damb aguesta plan de limpiesa des camins forestaus volem garantir er accès des persones as paratges mès concorregudi deth nòste país”.

Ad aguestes limpieses, cau híger es trabalhs diaris en Varradòs, Artiga de Lin, Liat, Vilamòs e Canejan qu’eth Conselh Generau d’Aran realizèc deth 16 ath 24 de junhsèga arraïtz des intenses ploges.

Eth Govèrn aranés a trabalhat enes camins damb retroexcavadores entara canalizacion der aigua e era extraccion de materiau acumulat coma arrames e pèires. Es operaris an trabalhat ena limpiesa e desbrossament manuau ara fin de poder retirar petiti esbaussi produsidi pera nhèu o eth desgèu.