Vielha, 9 de junh de 2019.- Eth Conselh Generau d’Aran en marc dera Hèsta de Aran, a organizat un an mès, er acte de liurament des Prèmis Literaris XXIXau Mn. Condò Sambeat, XIXau edicion deth Prèmi Aran de Literatura, XIIau Concors de Diboish ena Escòla e XIIau Hestivau de Teatre ena Escòla.

Eth liurament des prèmis enguan a estat dedicat ath poèta Mn. Jusèp Condò Sambeat (1867-1919) a l’escasença deth centenari dera sua mòrt.

Er acte s’a celebrat ena glèisa de Mijaran e a estat presidit peth sindic d’Aran en foncions, Carlos Barrera, acompanhat deth vicesindic en foncions, César Ruíz Canela, eth conselhèr d’Agricultura, Ramaderia e Medi Naturau en foncions, José Enrique Arró e era conselhèra de Torisme en foncions, Anna Díaz. Ar acte tanben a assistit eth conselhèr en foncions, Francés Boya, era conselhèra en foncions Maria Vergés,  eth baile de Vielha e Mijaran en foncions, Juan Antonio Serrano, eth baile de Bossòst en foncions, Amador Marqués, e desparièrs representants dera cultura e era societat aranesa.

Eth sindic d’Aran, Carlos Barrera, pendent era sua intervencion en acte de liurament des prèmis deuant eth nombrós public assistent, a destacat era importància de poder celebrar era 29au edicion deth prèmi Mossen Condò Sambeat, per çò que signifique entàs aranesi e entàs futures generacions, en tot soslinhar, qu’un pòble damb cultura ei un pòble damb futur, en tot ahíger qu’aguesti prèmis literaris son imprescindibles entara defensa e er emplec sociau dera lengua aranesa.

Carlos Barrera a remercat era grana participacion femenina enes prèmis d’enguan e en tot dirigir-se as mès joeni a dit que son eri es quaus en un futur les calerà deféner laguens e dehòra deth país aguest simbèu d’identitat que represente era lengua aranesa.

Es premiadi d’aguesta edicion an estat:

XXIXau edicion deth prèmi de Literatura Infantila e Juvenila, Mn. Condò Sambeat

Categoria Poesia

Nivèu A

-2au Accèssit a Claudia del Olmo Castet per “Era mia estimada Val d’Aran”

-1èr Accèssit a Alexandra Torres Alevedo per “Es sòns drets”

-Finalista a Lucía Ginzo Hinojosa per “Sonque tu”

-Prumèr Prèmi a Jana Boya Dedieu per “Era libertat d’expression”

Nivèu B

-2au Accèssit a Ana Jiménez Díaz per “Atau sò jo”

-1èr Accèssit a Daniel Cruces Grijalba per “18 M”

-Finalista a Jana Batalla Estévez per “Dejós dera pèth”

-Prumèr Prèmi a Gala García Moga per “Egalitat”

Nivèu C

-2au Accèssit a Sergi Tormo Sánchez per “M’emocioni quan…”

-1èr Accèssit a Ares Capdevila España per “Net de Sant Joan”

-Finalista a Ana Sanz Rodríguez per “Mare”

-Prumèr Prèmi a Lin Boya Ané per “Viatge incèrt”

Categoria Narracion

Nivèu A

-2au Accèssit a Jana Boya Dedieu per “Noelia, entre era vida e era mòrt”

-1èr Accèssit a Manuel Sánchez González per “Amics especiaus”

-Finalista a Dana López Vidal per “En tempsi de guèrra”

-Prumèr Prèmi a Àxel Dedieu Rodríguez per “Era Tragèdia deth Mero”

Nivèu B

-2au Accèssit a Júlia Urruzola Tous per “Ua aventura magica”

-1èr Accèssit a Laia Barrau Ruz per “Non ac enteni”

-Finalista a Jana Fernández Teixidó per “Cent ans dempús”

-Prumèr Prèmi a Gala García Moga per “Aisha”

Nivèu C

-2au Accèssit a Mar Menéndez-Baquero Fernández per “Portugal 2007”

-1èr Accèssit a Maria Sanz Rodríguez per “Onda de heired”

-Finalista a Lin Boya Ané per “Un país endarrèr”

-Prumèr Prèmi a Ana Sanz Rodríguez per “Tradicions contra era vida e era nòsta luta”

Membres deth Jurat:

-Sra. Pepita Farré, mèstra

-Sra.Tània Sánchez, educadora sociau

-Sra. Clara Villar, periodista

-Sra. Soledad Tamarit, mèstra

-Sra. Imma Caubet, representanta de Lengua Viua e presidenta d’aguest Jurat.

XIXau edicion deth prèmi Aran de Literatura

Categoria Poesia

-Accèssits, es dus damb era madeisha puntuacion, a Tòni Escala per  “Cançon de Silenci”  e a  Berta Rocher Ros per “Textures”

-Finalista a Amy Cros per “Amor de l’autra riba”

-1èr Prèmi a Xavi Gutiérrez Riu per “Recèptes Suprèmes de mau païr”.

Categoria Novèlla Juvenila

-2au Accèssit a Pauline Kamakine per “U sé de Nèu”

-1èr Accèssit a Amy Cros per “Dolores la boumiano”

-Finalista a Lourdes Santa Cruz Alís per “Era rota misteriosa”

-1èr Prèmi a Clara Estrada Enseñat per “Eth mèn univèrs”

Categoria Narracion

-2au Accèssit a Patrick Verdier per “Lo Cornac e lo Pandit”

-1èr Accèssit a Tòni Escala per “A on ei eth mainatge?”

-Finalista a Renaud Delisee per “Quan volèn tuar lo can”

-1èr Prèmi a Maria Martínez Moraiz per “Combustion Intèrna”

Membres deth Jurat:

-Sra. Maria Cuny, directora deth Centre de recorsi Pedagogics dera Val d’Aran.

-Sra. Jovita Ané, redactora e presentadora deth programa Meddia Aranés dera delegacion de TV3 ena Val d’Aran.

-Sr. Benoît Larradet, professor de gascon.

-Sr. Iñaki delaurens, periodista e president deth Jurat.

XIIau Concors de Diboish ena Escòla

Categoria 1r/2au de Primària

-2au Accèssits a Illargui Mombiedro Lasquibar

-1r Accèssit a Sergio Navarro Rengifo

-Finalista a Stefania Irina Bogdan

-1r Prèmi a Vera Codina Yañez

Categoria 3au/4au de Primària

-2au Accèssit a Alèxia Deó Marchal

-1r Accèssit a Alèxia Matas Casero

-Finalista a Laia Moreno Gómez

-1r Prèmi a Valèria Torres Sánchez

Categoria 5au/6au de Primària

-2au Accèssit a Isabel Untiveros Huaman

-1r Accèssit a Jana Boya Dedieu

-Finalista a Maria Ubeira Puente

-1r Prèmi a Lorena Boya Martínez

Categoria 1r/2au ESO

-2au Accèssit a Andrea Ros Moga

-1èr Accèssit a Rita Alonso Casablancas

-Finalista a Laia Barrau Ruz

-1r Prèmi a Mercè Enseñat Fernández

Categoria 3au/4au ESO

-Accèssit a Claudia Capdevila España

-Finalista a Isabel Vidal Ademá

-1r Prèmi a Laura Rodríguez de Souza

Categoria Bachelierat e Professionau

1r Prèmi a Aleix Filloy Cavero

Membres deth Jurat:

-Sra. Carmen Tamarit, pintora e illustradora.

-Sra. Kristina Nart, illustradora.

-Sra. Carmen Vicens, ceramista.

-Sr. Thor Sanabria, pintor muralista, illustrador e dessenhaire grafic.

XIIau Festivau de teatre ena escòla

Ena 12au edicion deth Festivau de Teatre ena Escòla s’a decidit qu’a compdar d’enguan serà ua des escòles dera Val d’Aran era encargada de premanir e representar era òbra de teatre entath rèste d’escòles. Enguan participèren es alumnes de P-3, P-4 e P-5 (32 alumnes) dera Escòla Estudi Alejandro Casona de Les que representèren era òbra “Tot problèma a ua solucion” conde de G. Berca adaptat per Pili Ares en ua òbra de teatre en aranés.

En totau s’an presentat 124 òbres en XXIX Mossen Condò Sambeat, 15 òbres en XIX Aran de Literatura, e 417 diboishi en XII Concors de Diboish ena escòla.

Er apartat musicau musicau der acte de liurament de prèmis a anat a cargue deth cantautor deth Palhars Jòrdi Bardella. Pendent era serada alumnes der IES d’Aran an recitat fragments d’òbres e poèmes de Mn. Jusèp Condò Sambeat.

En aguesta edicion des prèmis en centenari dera mòrt de Mn. Condò eth departament de Cultura e Lengua deth Conselh Generau d’Aran a hèt 5 punts de libre damb illustracions de Thor Sanabria e a publicat es conferéncies de Mn. Jusèp Amiell sus Mn. Condò, que s’an regalat ath public assistent ar acte.