Vielha, 24 de noveme de 2017.- Jos eth lèma “Non ei non”, entàs 12 deth meddia d’aué diuendres s’a liejut ena plaça deth Conselh Generau d’Aran eth manifèst en commemoracion deth Dia Internacionau contra era Violéncia de Genre.

Era conselhèra de Salut e Benèster d’Aran, Anna Díaz, a estat era encargada de dar lectura ath manifèst.

Era lectura deth manifèst e es actes restacadi damb eth Dia Internacionau contra era Violéncia de Genre, son organizadi peth SIAH Servici d’Informacion e Atencion as Hemnes deth Conselh Generau d’Aran.

Religat damb era violéncia de genre, pendent eth mes de deseme, eth SIAH organize un cors de formacion dirigit a trabalhadors sociaus e personau qualificat que trabalhen damb familhes vulnerables, sus mesures d’auto-contraròtle e d’auto-defensa.

Eth Dia Internacionau contra era Violéncia de Genre se commemòre a nivèu mondiau eth dia 25 de noveme.