Vielha, 11 d’abriu de 2017.- Eth Govèrn dera Generalitat de Catalonha a concedit aué a títol postum era Crotz de Sant Jordi, un des maximales reconeishements que pòt arrecéber ua persona per part dera Generalitat de Catalonha, a Mª Pilar Busquets e Medan, era quau siguec era prumèra sindica d’Aran dempús des prumères eleccions celebrades eth 26 de mai de 1991 e que ostentec eth cargue des deth 17 de junh de 1991 enquiath 12 de junhsèga de 1993.

Dempús dera recuperacion dera istorica institucion d’Autogovèrn dera Val d’Aran, eth Conselh Generau d’Aran, damb era aprobacion dera Lei 16/1990, de 13 de junh, guanhèc es prumères eleccions damb era Coalicion Aranesa -Convergència e Unió (CA-CiU), integrada per Convergéncia Democratica Aranesa -partit ath que tanh Pilar Busquets- e Unió Democratica Aranesa. Siguec membre dera comission oficiau entara normalizacion lingüistica der aranés. Tanben siguec deputada en Parlament de Catalonha per CiU enes eleccions de 1984 e 1988.

Mª Pilar Busquets, que moric eth passat 13 de noveme de 2016, auie participat pòqui mesi abans amassa damb eth sindic d’Aran, Carlos Barrera, enes actes de commemoracion deth 25au aniversari dera reinstauracion deth Conselh Generau d’Aran en un acte institucionau en Parlament de Catalonha.