Marta Cester e Lander Martín, guanhadors dera 43au edicion dera Marxa Beret

hereuèr 5, 2023 Espòrts

  • Aué ua meteorologia fòrça bona a acompanhat era 43au edicion dera competicion populara d’esquí de hons mès multitudinària d’Espanha enes distàncies de 10, 21 e 42 km

  • A nivèu competitiu, dissabte se disputèren es Campionats d’Espanha “Sprint” e aué dimenge a estat eth dia dera demorada Marxa Beret, puntuable entara Copa d’Espanha d’esquí de hons e que forme part deth calendari FIS de Longa Distància. En totau, an participat ath torn de 850 corredors en tota era dimenjada

 Era 43au edicion dera Marxa Beret s’a celebrat aguest maitin damb ues condicions meteorologiques fòrça bones en Plan de Beret. Er eveniment s’a desvolopat en Beret, Òrri, Montgarri e direccion Marimanha.

Coma cada an, era gessuda en massa de lèu 700 participants a estat espectaculara, deishant-mos ua imatge entath rebrembe, damb es esportistes d’elit ena zòna de dauant damb fòrça ganes de pujar a un pòdium qu’a estat fòrça disputat.

Es guanhadors e guanhadores d’aguesta 43 edicion an estat:

42 km Hemnes:

  1. Marta Cester (CAEI) 2h20
  2. Irati Cuadrado (IRRTZ) 2h24
  3. Cynthia Martintes (IRRTZ) 2h41

42 km Òmes:

  1. Lander Martín (IRRTZ) 1h55:04
  2. Bernat Gabarró (CENA 1h55:41
  3. Diego Ruiz (CMGC) 1h57

21 km Hemnes:

  1. Martina Miquel (CENA) 1h20
  2. Martina Selles (CEFCEN)1h23
  3. Alaia Juaristi (UZTUR) 1h26

21 km Òmes

  1. Peio Añarbe (MGSTZ) 1h04
  2. Pablo Moreno (CAEI) 1h06
  3. Nil Cardona (CEFUC) 1h09

10 km Hemnes

  1. Naia Gonzalez (CAEI) 31:09
  2. Joana Puig (CEFCEN) 33:03
  3. Laia Palacios (Ski Club Aspe) 33:36

10 km Òmes

  1. Guim Gabarró (CEFCEN) 27:10
  2. Pau Molins (CENA) 27:12
  3. Arnau Miquel (CENA)28:51

Era Marxa Beret ei fòrça mès qu’ua competicion, ei ua des pròves d’esquí nordic mès consolidades que se realizen en país. Mes enlà des esportistes d’elit, era majoria des participants pertanhen a un public familhar e grops d’amics que se la prenen coma era hèsta der esquí de hons.

Aguest eveniment ei organizat peth Conselh Generau d’Aran, dera man de Baqueira Beret e eth Conselh Esportiu dera Val d’Aran. Compde damb era collaboracion dera Associacion Volentaris Val d’Aran, er Ajuntament de Vielha e Mijaran, Deputacion de Lhèida, Pompièrs d’Aran, Aran Salut, Mossos d’Esquadra, INS d’Aran, ath delà dera Reau Federacion Espanhòla Espòrts d’Iuèrn (RFEDI), era Federació Catalana d’Esports d’Hivern (FCEH) e es disparièrs patrocinadors.

Comments are closed.