Er aranés, May Peus, a guanhat es eleccions entà èster eth nau president dera Real Federación Española de Deportes de Invierno, que s’a celebrat aguest dissabte 20 de seteme. Peus, qu’a compdat damb eth supòrt deth Conselh Generau d’Aran, atau coma des clubs esportius dera Val d’Aran, presentèc eth sòn programa ena sedença deth Conselh a principis de mes.

“Des deth govèrn deth Conselh Generau d’Aran, èm fòrça contents qu’un vesin deth país coma ei May Peus, sigue eth nau president dera RFEDI. En nòm de toti es membres deth govèrn e dera gent dera Val d’Aran, li desiram tota era sòrt entà que pogue desvolopar eth sòn programa e que pogue portar ara federacion as còtes més nautes possibles”, comente eth Sindíc d’Aran, Carlos Barrera.