Vielha, 15 de junhsèga de 2016.- Pendent tota era dimenjada aurà lòc ena Val d’Aran es activitats deth simpòsium d’odonatologia , memoriau Toni Estany, damb ua seria de conferéncies e gessudes de camp religades damb eth mon des odonats (libellules), que compdarà damb era participacion d’especialistes ena matèria.

Eth simpòsium començarà eth diuendres e s’alongarà enquiath dimenge a meddia. Es conferéncies auràn lòc en Era Audiovisuau de Vielha e tanben se realizaràn dues gessudes de camp ena Bassa d’Oles e Pla de Beret.

Pendent eth simpòsium se presentarà er “Atles des Odonats en Catalonha. 200 ans d’estudi des libellules”, a cargue de Pere Manel Luque, biològ e conservador deth musèu de sciéncies naturaus des Tèrres der Ebre, vice-president dera Institucion Catalana d’Istòria Naturau e copresident deth grop Oxygastra.

Eth simpòsium s’includís laguens des activitats deth programa Natura Oculta, era prepausa entà potenciar eth torisme sostenible deth Govèrn d’Aran e de Torisme Val d’Aran.

Eth dimenge se liuraràn es prèmis deth 1èr Concors odotanologic de fotografia “Memoriau Toni Estany”, qu’eth jurat a autrejat ara fotografia “Pictorialismo” presentada per Juan Pablo Resino Rubio.

Tota era informacion sobre eth simpòsium e es conferéncies en www.memorialtoniestany.org