Mesures economiques deth Govèrn der Estat entà hèr front ara crisi deth coronavirus COVID-19

Eth Govèrn der Estat a anonciat aué un paquet de mesures economiques entà hèr front ara crisi deth coronavirus COVID-19 que se patís en tot eth país, entà qu’aguest virus non age un impacte negatiu permanent sus era economia estatau.

Eth Govèrn mobilizarà 200.000 milions entà palliar er impacte deth COVID-19 ena ciutadania e economia espanhòles, que s’invertiràn en mesures dividides en quate airaus prioritaris:

1. Mesures entà dar supòrt as persones en situacion mès vulnerable o que poguen auer auut ua situacion vulnerable coma conseqüéncia der impacte economic e sociau d’aguesta situacion.

Se destinaràn 600 milions d’euròs ath finançament des prestacions basiques des servicis sociaus des CCAA e entitats locaus, damb especiau atencion ara assiténcia sanitària des persones granes e depenents, que son collectius fòrça vulnerables en aguesta pandèmia.
S’amplie era proteccion des subministraments d’energia e aigua, en tot garantir es servicis publics essenciaus. E, coma nauetat, se garantissen es servicis de telecomunicacions, tot entàs familhes mès vulnerables coma conseqüéncia d’aguesta crisi.
Se garantís eth dret ara viuenda des persones damb mès dificultats: s’a establit ua moratòria en pagament de ipotèques en casi de vulnerabilitat.

2. Mesures entà toti e totes es trabalhadors/es.

S’establís eth dret des trabalhadors/es a redusir era sua jornada (en un percentatge qu’arribe enquiath 100%) entà hèr front ath besonh de conciliar e suenhar des persones ath sòn cargue.
S’establís eth teletrabalh coma mesura de flexibilitat principau, quan es circonstàncies ac permeten.
Se promoiràn es ajustaments temporaus de plantilha a trauès dera flexibilizacion des Expedients Temporaus de Regulacion deth Trabalh (ERTE) que beneficiaràn a toti es trebalhadors/es. Es ERTE seràn consideradi de “fòrça major” e es persones afectades poiràn accedir ath caumatge encara que non complisquen es requisits de cotizacion prèvia exigit.
Eth crubament d’aguesta prestacion non les computarà a efèctes deth crubament posterior deth caumatge.
Entàs autonòms/es se flexibilizarà er accés ath cessament d’activitat que serà compatible damb era exoneracion deth pagament des quòtes dera Seguretat Sociau e damb acuelher-se a ERTEs en cas d’aqueri que compden damb trabalhadors/es.
Es autonòms/es que veiguen redusidi de forma significativa es sòns ingrèssi poiràn recéber era prestacion de cessament d’activitat.

3. Mesures entà dar supòrt as empreses e autonòms/es.

Creacion d’ua linha d’avals e garanties publiques per valor d’enquia 100.000 milions.
Metuda en marcha de diuèrsi programes de supòrt ara digitalizacion e era I+D des PIMES, que facilitaràn era implantacion deth teletrabalh.
Reforma dera normativa sus inversions exteriors, entà esvitar qu’empreses de dehòra dera UE se poguen hèr damb eth contròl d’entitats espanhòles en sectors estrategics.

4. Mesures entà dar supòrt ara investigacion scientifica e medica ena recerca dera vacuna contra eth COVID-19