• Proteccion Civiu dera Generalitat (DGPC) manten aué en ALÈRTA eth plan especiau d’Emergéncies per lauegi en Catalonha ALLAUCAT peth perilh de lauegi MOLT FORT (5 sus 5) ena Val d’Aran e nòrd deth Palhars Sobeiran.

• Eth plan NEUCAT s’a rebaishat a prealerta pr’amor qu’es nheuades an de pèrder intensitat aué respècte ager; e se mantien tanben en prealerta eth plan PROCICAT per fòrt vent deman en Pirenèu-prepirineu e extrèm nòrd e sud; e er INUNCAT pera acumulacion de ploja enes comarques deth Naut Pirenèu

Eth plan ALLAUCAT ei en Alèrta aué peth perilh maximal de lauegi MOLT FORT (5 sus ua escala de 5) ath nòrd deth Palhars Sobeiran, FORT (4) en Aran e MARCAT (3) a tota era rèsta deth Pirenèu Occidentau e Orientau.

Ara fin d’evitar favorir es lauegi, ena zòna dera Val d’Aran e nòrd deth Palhars Sobeiran se recomane non practicar activitats de nauta montanha dehòra des zònes controtlades des estacions d’esquí. Cau arrebrembar qu’en aguesta zòna se pòden desacadiar lauegi de forma espontanèa e qu’apoiridien arribar ath hons des vals en bèri casi en tot afectar vies de comunicacion o poblacions.

Per çò qu’ei dera nhèu, aué era tendéncia ei que contunhe de nheuarar mès damb mens intensitat e a còtes mès nautes a compdar des 1.600 m. Es comarques a on se manten er avís per nheuades intenses que se reactivaràn aguesta net e deman son era Val d’Aran, Nauta Ribagòrça e Palhars Sobeiran.

Era còta de nhèu baisharà rapidaments ath long dera maitiada des 1600 mètres enquia plaçar-se a quinsevolh còta. Per dessús 900 mètres se poderàn acumular mès de 10 cm de nhèu, e a causa deth fòrt vent se produsirà eth fenomèn deth torb. Per aguest motiu eth plan NEUCAT s’a rebaishat a Prealèrta. Mès cau mantier era precaucion enes desplaçaments ena zòna e portar eth veïcul equipat pera nhèu damb cadees, mobil damb bateria, ua pala petita, bèra flaçada o peça d’abric de resèrva, aigua e bèra neuritud calòrica. Ena mesure deth possible cau evitar, as ores e zònes a on era nheuada sigue mès intensa, es desplaçaments damb veïcul e es activitats ar aire liure. Era nhèu acumulada apoiridie dificultar er accès a bèri nuclèus de nauta montanha, causa que se recomane d’èster preparadi en casa.

Eth Servici Catalan de Transit informe que per nhèu contunhen restringides eraC-28 entre era Peülla e Casa Sastrada. Ath delà, era C-28 entre Baqueira e era Peülla ei talhada per risc de lauegi.

D’auta banda, ei obligatòri circular damb cadees pera C-142b entà accedir ath Plan de Beret e es camions rígids e contenguts an eth pas restringit pera N-141 entre Bossòst e França.

Eth vent a perdut intensitat aué, mès era prevision ei que se reactive de nau era pròplèu maitiada e tot diuendres. Eth fòrt vent afectarà sustot eth Pirenèu e Prepirenèu.

En aguestes zònes eth vent boharà d’en tot compausar nòrd e oèst, e en airau deth Pirenèu es raches maximales s’artenheràn enes còtes nautes. Eth plan PROCICAT per vent se manten en Prealèrta e se recomane precaucion enes activitats de montanha en tot eth Pirenèu deuant era possibilitat de raches fòrtes e non realizar-les en moment de major afectacion pr’amor que pòt non èster segur hè’c.

Fin finau, e entà ua auta maitiada, i a ua Prealerta deth plan INUNCAT per acumulacion de ploja enes comarques deth Naut Pirenèu.