• A trauès d’aguest originau jòc de pistes gratuït, es mainatges e mainades auràn d’ajudar ara deessa dera memòria, Mnemosine, a trapar es sòns recòrds perduts!

Un an mès, Musèus Val d’Aran torne a celebrar es hèstes de Nadau d’ua forma fòrça especiau. Enguan, era deessa dera memòria, Mnemosine, a perdut es sòns recòrds e a de besonh era ajuda des mès petits e petites entà recuperar-les!

Deman, 27 de deseme, e eth diuendres, 3 de gèr, (tàs 18:00 ores) eth Musèu dera Val d’Aran en Vielha acuelherà eth Trapa-Memòries, un originau jòc de pistes per equips a on, a trauès de diferentes pròves, es mainatges e mainades d’entre 7 e 12 ans auràn ua mission fòrça importanta: recuperar era memòria perduda de Mnemosine!

Aguesta ei ua activitat gratuïta aufrida peth Conselh Generau d’Aran, a trauès de Musèus dera Val d’Aran, mès ei imprescindible reservar plaça per auança en madeish Musèu entà poder participar.