Vielha, 4 de setembre de 2018.- Era enterpresa Pompièrs e Emergéncies d’Aran S.L. a aquerit un nau veïcul que permeterà incrementar es sòns servicis.

Se tracte d’un veïcul tot terreny Pickup de 5 places e espaci entà carga damb capota entà poder transportar morralets e materiau, qu’en tractar-se d’un veïcul mixte tant se poderà utilizar coma supòrt en cas d’incendis, entà transportar manges e equipes autonòmes, coma entà desvolopar trabalhs dera equipa de montanha ara ora de circular per pistes forestaus.

Eth director tecnic de Pompièrs e Emergéncies d’Aran, Fran Cardeñes, a explicat que se tracte d’un veïcul fòrça polivalent tant entà personau coma entà carga. Cardeñes a manifestat qu’era prevision d’enguan e eth que ven ei arténher eth renauiment de dus veïculs, un aguest madeish, e eth següent serà un tot terren long damb capacitat entà 7 places damb ua foncion destinada entath transpòrt de personau.

Eth nau veïcul qu’a estat adaptat exprèssaments entath servici de Pompièrs e Emergéncies, a estat aquerit mejançant era centrau de crompes dera Associacion Catalana de Municipis (ACM).