Damb er inici deth cors escolar, se met en marcha tanben eth servici de minjador escolar deth que gaudissen es escolans de primària. Dempús dera licitacion e posteriora adjudicacion ath Catering d’Aran, eth servici presente bères novetats per rapòrt ara gestion deth pagament deth servici. Aguest hèt supausarà ua melhora e mès comoditat as familhes usatgères que poderàn domiciliar es sòns pagaments.

Eth prètz deth servici de minjador entath cors escórrer 2014-15 serà de 6,14€ /dia entàs escolans que hèsquen un usatge esporadic deth servici.

Aqueri escolans que siguen usatgèrs abituaus gaudiràn d’un descompde sus aguest prètz, atau eth prètz per aqueri qu’utilizen eth servici pendent tot eth cors escolar serà de 5,84€/dia.

Era opcion d’utilizar eth servici sonque pendent un trimèstre tanben ei bonificada, e eth prètz demore fixat eth 6,00€/dia.

Aguesti prètzi bonificats supausen ua rebaisha sus eth prètz deth passat cors escolar.

Es usatgèrs esporadics poderàn aquerir eth ticket que les darà era possibilitat d’utilizar eth servici en madeish minjador deth centre escolar, en orari de 12 a 15 ores.

En paraules dera conselhèra de torisme, comèrç e consum, Anna Diaz, “ath delà eth nau contracte garantís melhores er eth encastre alimentari que compdarà damb un seguiment per part d’expèrts, e tanben laguens der encastre educatiu e de léser, a on se subervierà ena melhora formativa der equip de monitors. Ath delà i aurà ua major comunicacion entre eth servici de minjador e es familhes, qu’arreceberàn informes periodics e poderàn participar enes charrades dubèrtes sus ahèrs restacadi damb eth servici”.