• Era capsula formativa ei gratuïta e aurà lòc en CEI Val d’Aran de Casau, eth 19 d’octobre de 10:00 a 14:15 ores.

VICTORIA VERTICAU

Eth CEI Val d’Aran a organizat amassa damb GlobaLleida e damb eth patrocini dera Deputacion de Lleida ua naua capsula formativa “email Marketing: Mailchimp, Mailpoet, bList” a cargue d’Albert Calzada Ribalta.

Er email Marketing a ua foncion fòrça potenta ath laguens deth conjunt de blòcs que formen ua estratègia de comunicacion. Ei un utís fòrça poderós entà hèr a créisher eth tòn negòci.

Er email Marketing ei er enviament massiu d’un corrèu electronic damb caractèr comerciau o informatiu, damb er objectiu de crear fidelitat, confidança e credibilitat dera mèrca.

Ena capsula formativa s’analizarà e explicarà era part teorica e de gestion d’ua lista de subscriptors, e tanben s’estudiarà 3 plataformes: Mailchimp, Mailpoet entà WordPress e bList (utís en cloud open source). Diferéncies, punts fòrti, exemples practics, compliment dera LOPD “Safe Harbor”,… .

Era capsula formativa ei gratuïta e aurà lòc en CEI Val d’Aran de Casau, eth 19 d’octobre de 10:00 a 14:15 ores. Entà formalizar era inscripcion cau ramplir eth formulari e reenvià’c a v.saurina@aran.org damb ua fotocòpia deth vòste DNI. Tanben podetz formalizar era vòsta inscripcion en telefòn: 973 64 18 01 e demanar per Victoria Saurina.

Formulari d’inscripcion: Formulari Capsules octobre 19.10

Vielha, 11 d’octobre de 2016

Conselh Generau d’Aran: Núria Sanjuan