• Era Rota Romanica d‘Aran aufrirà pendent aguest madeish periòde, era possibilitat de conéisher a trauès de visites guidades, eth ric patrimòni artistic que sauven es nòstes glèises.

Pendent aguesti mesi es visitaires poderàn gaudir e conéisher eth Musèu dera Val d’Aran, en Vielha, de deluns a dimenge de 10:00 a 13:00 ores e de 17:00 a 20:00 ores; era Fabrica dera lan, tanben en Vielha, tamb dubertura diadèra de 17:00 a 20:00 ores; er Ecomusèu Çò de Joanchiquet, en Vilamòs, dubèrt diadèrament de 11:00 a 14:00 ores e de 16:00 a 19:00 ores; era exposicion temporau Umans e Natura. Trobades inesperades ena glèisa de Sant Joan d´Arties que serà duberta de deluns a dissabte de 17:00 a 21:00 ores; era Mòla de Salardú, dubèrta diadèrament de 11:00 a 14:00 ores; e Mina Victòria en Arres que daurirà cada dia, de 11:00 a 15:00 ores.

D’auti musèus a visitar seràn eth Musèu dera Nhèu en Unha; eth PyrenMuseu en Salardú; eth Musèu Eth Corrau en Bagergue e era exposicion Eth Tunèl de Vielha plaçada ena sala d‘exposicions de Vielha, ena Av. Pas d’Arró 7 d’aguesta localitat.

Per un aute costat, tanben era Rota Romanica d‘Aran aufrirà pendent aguest madeish periòde, era possibilitat de conéisher a trauès de visites guidades, eth ric patrimòni artistic que sauven es nòstes glèises. De deluns a dissabte era franja orària des visites serà: en Santa Maria d´Arties de 10:00 a 13:00 ores e de 17:00 a 20:00 ores; en Sant Andrèu de Salardú e Santa Maria de Cap d‘Aran de Tredòs, de 10:00 a 13:00 ores; e en Santa Eulària d‘Unha e Sant Fèlix de Vilac, de 17:00 a 20:00 ores.

Serà tanben possible visitar d’autes glèises de notable interès artistic e culturau, coma Era Mair de Diu dera Purificacion de Bossòst, Sant Miquèu de Vielha, Santa Maria de Vilamòs, Sant Fèlix de Bagergue e Sant Blas e Sant Joan en Les, que seràn dubèrtes sense servici de guida.

Un an mès èm disposadi a hèr a gaudir as nòsti visitaires en tot dar-les a conéisher eth ric patrimòni culturau dera Val d‘Aran.