Vielha, 8 de hereuèr de 2018.- Eth Conselh Generau d’Aran a installat recentaments 8 naui bancs e 16 cagires exteriores ena Residéncia Geriatrica Sant Antòni de Vielha. Era installacion d’aguesti naui bancs e cagires exteriores s’a realizat damb es hons deth convèni de collaboracion entre eth Conselh Generau d’Aran e era Òbra Social “La Caixa”.

Eth Govèrn d’Aran a destinat 7.144€ ara substitucion d’aguest mobiliari dera residéncia geriatrica, qu’a amiat a tèrme era enterpresa SAVA S.L. (Serveis Ambientaus dera Val d’Aran).

Era aportacion economica ad aguest convèni per part dera Òbra Social “La Caixa” ei de 20.000€, destinadi tanben ara melhora dera codina, eth cambi de persianes enes aules e era melhora dera gessuda ar exterior dera terrassa deth Centre Aucupacionau (ADDA), melhores que se li an destinat ada eth 12.886€.

Aguestes accions permeten melhorar e contribuïr ath progrès des persones e era societat, damb especiau incidéncia enes collectius mès vulnerables. Era Òbra Social “La Caixa” trabalhe entà arténher ua societat damb mès oportunitats, en tot impulsar iniciatiues sociaus, en tot invertir en investigacion e educacion e en tot difóner era cultura e era sciéncia.