Vielha, 5 de deseme de 2017.- Eth passat deluns 4 de deseme es escolans des cicles formatius de Grad mejan e superior de ”Conduccion de grops en miei naturau” e de ”Animacion d’activitats fisiques esportiues, de 1er e de 2au” der INS d’Aran, assistiren as capsules formatiues d’orientacion professionau organizades peth CEI Val d’Aran de Casau.

Es capsules formatiues, dejós deth títol “Apren a hèr curriculums creatius” e “Sabes coma hèr un curriculum per competéncies”, sigueren impartides per Viviana Gràcia i Espinós, Master en Direccion e Lideratge, Licenciada eth Psicopedagogia e Postgrau en Intelligéncia Emocionau enes Organizacions.

Es capsules aueren ua grana acceptacion entre es escolans des cicles formatius, e enceten tanben era relacion de collaboracion entre eth CEI Val d’Aran e er INS d’Aran, entà aufrir estruments de formacion e informacion sus eth mon laborau as estudiants.