• Es esportistes e amants dera natura, Josep A. Carreño e Ruth Bueno, an creat ena Val d’Aran eth CLUB PADDLE SURF PIRENÈUS.
• Eth Palai de Gèu de Vielha aufrís sessions de STAND UP PADDLE INDOOR, ena sua piscina.
Eth Paddle Surf, tanben coneishut coma Stand Up Paddle, consistís en un espòrt aquatic en quau s’utilize ua taula de surf e un rem. Aguest espòrt ei originari dera anciana Polynesia e ac utilizauen es guerrers a manèra de transpòrt entà desplaçar-se entre ièrles. Actuauments ei considerat entre fòrça autes causes, era disciplina esportiua mès complèta entath desvolopament des capacitats coordinatives.
Se practique en zònes aquatiques damb un minim d’uns 40 cm de prigondor e laguens de totes es disciplines qu’existissen, i a fòrça variantes e modalitats.
“Eth principau objectiu de PADDLE SURF PIRENÈUS ei dar a conéisher aguest espòrt a totes aqueres persones que desiren iniciar-se e auer ua naua experiéncia esportiua complèta e gratificanta” a manifestat Josep A. Carreño, director tecnic deth Club.
“Aufrim classes particulares e gropaus, autant ena piscina coma enes restanques” a hijut Ruth Bueno, presidenta deth Club.
Pera sua banda, eth Palai de Gèu de Vielha aufrís sessions de STAND UP PADDLE INDOOR, ena sua piscina damb eth CLUB PADDLE SURF PIRENÈUS:
– Prètzi especiaus entà abonadi
– Baptisme d’aigua a compdar des 5 ans d’edat
– Tecnica d’iniciacion, seguretat e classes personalizades
Mès informacion:
PADDLE SURF PIRENÈUS
suppirineus@gmail.com