Vielha, 07 de març de 2016.- Ath torn d’uns 300 corredors e corredores an participat ager en Vielha e Mijaran ena 3au edicion dera Corsa dera Hemna 2016 organizada peth Conselh Generau d’Aran.

Era carrèra de 5Km pes carrèrs de Vielha, que se podie hèr en tot córrer o en tot caminar, comencèc as 11 ores deth maitin e a compdat damb era participacion de corredors de totes es edats, qu’an confirmat per tresau an consecutiu era capitada d’aguest eveniment popular organizat peth Conselh Generau d’Aran, damb era collaboracion deth Club Atletic Val d’Aran (CAVA) e dera Associacion de Volentaris d’Aran.

Eth pròplèu dimars dia 8 de mai as 12 ores, era conselhèra de Salut e Benestar Anna Díaz, serà era encargada de liéger eth manifèst commemoratiu deth Dia Internacionau des Hemnes ena sedença deth Conselh Generau d’Aran.

Resultats: Corsa dera Hemna