• Beltrán Bascones pugèc ath podium de subcampion en kata e 3au classificat en kumité.

Beltrán Bascones (Karate Aran) 3au classificat en kumité

Eth passat dissabte, 12 de març, eth Pabalhon Esportiu Municipau “Ciutat de Tudela” en Tudela (Navarra) acuelhec eth “36au Campionat de karate KWF” enes modalitats de kumité e katas, en totes es categories a compdar des 10 ans enquia sènior. Eth club aranés, Club Karate Aran, participèc enes dues categories (kumité e kata) damb dus competidors de 10/11 ans: Beltrán Bascones (centura marrona) e Rasvan Asimión (centura verda). S’artenhec pujar ath podium de subcampion en kata e 3au classificat en kumité per part der escolan, Beltrán Bascones, e un 6au lòc en kumité der escolan, Razvan Asimión.

Eth campionat compdèc damb 430 competidors enes diferentes categories e damb un ambient excepcionau pendent tota era jornada. Excellenta organizacion e responsa der Ajuntament de Tudela e era Deputacion forau de Navarra.

Vielha, 17 de març de 2016

Conselh Generau d’Aran: Núria Sanjuan