Argent entad aranés, Álex Puente Tasias, en SG.

Diuèrses an estat es medalhes artenhudes pes corredors deth Club Aranés Espòrts d’Iuèrn (CAEI), ara jos es disciplines des diferentes equipes dera RFEDI e dera FCEH, enes Campionats d’Espanha absoluts d’esquí aupin que s’an celebrat ena estacion andalosa de Sierra Nevada.

Eth deluns, dia 2 d’abriu, se disputèc era pròva de velocitat, eth SG, a on Júlia Bargalló se hec damb er aur e er aranés, Álex Puente, damb er argent.

Eth dimars, 3 d’abriu, se celebrèc eth GS en quau Júlia Bargalló tornèc a pujar ath calaish mès naut deth pòdium e Pat Miquel aucupèc eth dusau lòc.

Era pròva mès tecnica siguec era protagonista dera darrèra jornada e es melhors esquiaires espanhòus poderen gaudir deth SL a on Miren Miquel obtenguec eth dusau lòc.

Destacar tanben era accion des corredors dera categoria CIT qu’artenheren tres pòdiums ena modalitat de SG atau coma eth titòl de campion dera Copa Espanha d’aguesta categoria per part de Jon Martínez.

Resultats deth CAEI en aguesti campionats:

Júlia Bargalló: 1ª en SG y GS

Pat Miquel: 2ª en GS

Miren Miquel: 2ª en SL

Maria Relat: 3ª U21 en GS

Aingeru Garay: 2º U21 en GS (corredor que tot e que ja no ei deth CAEI, a estat format en aguest club)

Categoria CIT:

Sofía Ruíz: 2ª en SG
José Solá: 2º en SG
Jon Martínez: 3º en SG

Vielha, 6 d’abriu de 2018

Conselh Generau d’Aran: Núria Sanjuan

Hònt e fotos: CAEI