• Des de prumèra ora deth maitin, efectius de Pompièrs-Emergéncies e Mossos d’Esquadra e trabalhadors des depuradores e Endesa an trabalhat entà limitar er impacte deth vessament en arriu

Un establiment otelèr deth pòble d’Arties a abocat gasoil de forma accidentau as collectors deth desaigue, en tot causar un abocament en arriu Garona.

Pr’amor d’aguest accident, des des 09:00 se retien ena depuradora d’Arties entre 10.000 e 20.000 litres de gasòil, segontes an calculat es tecnics dera depuradora.

Pompièrs-Emergéncies, qu’a destinat ua dotacion de 10 efectius e 5 veïculs ad aguesta emergéncia, a realizat eth transvasament de tot aguest producte contaminant en recipients facilitadi pes empreses Barba e Hormaran S.A, tà que dempús ua empresa especializada pogue processar-lo corrèctament.

Tà netejar per complet er aigua afectada, s’a desviat des de Bossòst a trauès d’un canau tara presa de Toran a on s’a retengut eth gasòil e gràcies a un embarcament balhat per Deportur deman se retiraran toti es residus.

Tanben s’advertit as autoritats franceses, tot e qu’eth vertit non a arribat enes aigües deth país vesin.

Eth govèrn deth Conselh Generau d’Aran vò arregraïr er esfòrç de Pompièrs-Emergéncies, Mossos d’Esquadra, e des trabalhadors des depuradores e d’Endesa, atau coma era collaboracion des empreses Barba, Hormaran e Deportur.

Es Mòssos d’Esquadra an daurit dilligéncies entà investigar es hèts.