Imatge d’archiu.

• Es cadavres des oelhes an estat localizadi aguest maitin en paratge de Sant Miquèu, en Vilamòs, a on es Agents de Miei Ambient deth Conselh Generau d’Aran an trapat indicis qu’apunten a un presomptiu atac d’os

Aguest maitin, eth còs d’Agents de Miei Ambient deth Conselh Generau d’Aran a recebut er avís d’un ramadèr d’un possible atac d’os a dues oelhes en paratge de Sant Miqueu, en Vilamòs.

Eth ramat se trapaue protegit per ueit cans mastins (6 adults e 2 joeni) e ua malha electrificada. Totun, es Agents de Miei Ambient an trapat indicis d’os ena zòna, qu’apunten un presomptiu atac.