• Eth cadavre dera oelha a estat localizat aguest maitin en paratge de Santa Margalida, en Bagergue, a on s’an trapat indicis qu’apunten a un presomptiu atac d’os

Aguest maitin, eth còs d’Agents de Miei Ambient deth Conselh Generau d’Aran a recebut er avís d’un ramadèr d’un possible atac d’os a ua oelha en paratge coneishut coma Santa Margalida, en Bagergue.

Eth ramadèr aurie trapat ara oelha adulta mòrta tath torn des 07:30, quan se dirigie a susvelhar eth sòn ramat. Ena zòna, es Agents de Miei Ambient an trapat indicis d’os, qu’apunten un presomptiu atac.

De provar-se qu’era causa dera mòrt age estat aguesta, eth departament de Territòri, Paisatge e Miei Ambient se harà cargue dera compensacion ath ramadèr afectat entà cobrir era pèrta deth cap de bestiar.