Vielha, 7 d’abriu de 2017.- Eth Grop de Rescat de Montanha (GRM) des Pompièrs dera Val d’Aran, a realizat aguesta setmana ua gessuda de formacion de tres dies damb esquís de trauèssa pera Val d’Aran, damb er objectiu deth reconeishement deth territòri e era coesion de Grop.

Era gessuda tanben a servit entath perfeccionament des tecniques de progression damb esquís de trauèssa.

Era activitat de tres dies a on participèren 10 efectius deth GRM des Pompièrs dera Val d’Aran, consistic en ua gessuda de 7 ores eth prumèr dia des de Peulla enquiath Tuc d’Amitges, Saboredo e Tuc de Gerber, damb un desnivèu de 1.500m., En tot hèr net en Saboredo. Eth dusau dia, era gessuda siguec de 9 ores, en Tuc de Sendrosa, Tuc de Travesany, Pòrt de Caldes e eth desplaçament d’ua partida deth grop ath Pic deth Montarto e es auti ath Tuc de Monges. Ara fin, eth darrèr dia a causa des dolentes condicions meteorologiques se realizèc ua gessuda en Tossal de Mar.

Es activitats de formacion deth GRM es Pompièrs dera Val d’Aran, combinen es gessudes entas Alps, damb es activitats que se desvolòpen ena Val d’Aran.