Vielha, 13 d’abril de 2018.- Es Pompièrs d’Aran amien a tèrme aguesti dies un seguit de diferentes practiques transfronterières e internacionaus.

Es Pompièrs d’Aran realizèren es passadi deluns e dimars ua practica conjunta damb es Pompièrs deth SDIS (Service Départemental d’Incendie et de Secours) Haute Garonne, prèvia ara dubertura deth nau tunèl de Saint Béat. Enquiara poblacion francesa es Pompièrs d’Aran desplacèren ua dotacion d’un camion deth Parc de Pompièrs de Vielha e Mijaran e materiau pròpri.

Pera sua part eth GRM Val d’Aran (Grop de Rescat de Montanha) s’a desplaçat enquia Norvègia entà realizar practiques d’esqui de montanha.