Ager diuendres pera net ena sedença deth Conselh Generau d’Aran, auec lòc era presentacion deth CDIA (Centre de Naut Rendiment d’Espòrts d’Iuèrn Adaptat) –Aran Snow Event. Er acte compdèc damb era preséncia deth vice sindic e conselhèr d’Espòrts e Joenessa deth CGA Luís Carlos Medina, deth vice-president dera Fondacion Repsol Ignacio Egea e Javier Inclán, director der airau sociau e institucionau dera Fondacion Repsol, ath delà de Miguel Angel García, director generau dera Federacion Espanhòla d’Espòrts de Persones damb Discapacitacion Fisica (FEDDF).
Ara presentacion tanben anèren es esportistes que participaràn a partir d’aué en Campus Hemna e Espòrt, a qui toti es assistents animèren a profitar aguesta experiéncia ath costat des professors e monitors e, toti aqueri que les acompanharàn pendent aguesti dies .
Era Val d’Aran e era estacion d’esquí Baqueira Beret, son des de 1987 era sedença e eth centre d’activitats des estructures qu’an permetut trèir endeuant aguest projècte.
Eth vice sindic e conselhèr d’Espòrts e Joenessa deth CGA Luís Carlos Medina, se mostrèc fòrça satisfèt peth hèt qu’eth Conselh Generau d’Aran pogue participar d’aguest excitant projècte ath costat des empreses patrocinadores, era Fondacion Repsol e es federacions qu’ac impulsen. Medina, destaquèc tanben “era grana experiéncia de CDIA e des sòns responsables, qu’an artenhut que quitament quauqui uns des esportistes qu’an participat d’aguest projècte en ans anteriors agen pogut concórrer en es Jòcs Olimpics d’Iuèrn”.
Tota era informacion des desparières activitats deth CDIA- Aran Snow Event en:
